ლევან კოღუაშვილის ფილმი მეოთხე ბრაიტონი საუდის არაბეთში გამართული წითელი ზღვის საერთაშორისო კინოფესტივალის გამარჯვებულია. მეოთხე ბრაიტონმა საუკეთესო ფილმის ნომინაციაში გაიმარჯვა. ფილმის წარმატების შესახებ კულტურის სფეროში ერთ-ერთმა ყველაზე გავლენიანმა მედია Variety-მ დაწერა.

ლევან კოღუაშვილის ფილმისთვის საერთაშორისო ასპარეზზე ეს პირველი წარმატება არ არის. ნიუ-იორკში გამართულ ტრაიბეკას ფესტივალზე ფილმმა მეოთხე ბრაიტონი სამ მთავარ ნომინაციაში გაიმარჯვა. ეს ნომინაციებია: საუკეთესო ფილმი, საუკეთესო სცენარი და საუკეთესო მსახიობად დასახელებული ლევან თედიაშვილი. მეოთხე ბრაიტონი აზიური ფილმების მსოფლიო ფესტივალის გამარჯვებულიც გახდა.

ლევან კოღუაშვილის ფილმი მეოთხე ბრაიტონი კომედიური დრამაა, რომელიც შვილის დასახმარებლად ბრუკლინში წასული ქართველი მოჭიდავის შესახებ გვიყვება. ფილმის მსოფლიო პრემიერა ტრაიბეკას საერთაშორისო კინოფესტივალზე შედგა.

აღსანიშნავია, რომ მეოთხე ბრაიტონი ამერიკის კინოაკადემიის 94-ე დაჯილდოებაზე საქართველოს სახელით საუკეთესო საერთაშორისო სრულმეტრაჟიანი ფილმის ნომინაციაში გამარჯვებისთვის იბრძოლებს.

ამავე თემაზე: