ზუგდიდის საკრებულოს ნაციონალური მოძრაობის 5 წევრი ექსპრეზიდენტის სამოქალაქო კლინიკაში გადაყვანის მოთხოვნით შიმშილობას იწყებს. ენმ-ის წევრის, ანა წითლიძის ინფორმაციით, ესენი არიან: მაია კალანდია, ირაკლი სორდია, ხათუნა შამუგია, დარიკო არქანია და მალხაზ ჯალაღონია.

მიხეილ სააკშვილის სამოქალაქო კლინიკაში გადაყვანის მოთხოვნით გუშინ, 14 ნოემბერს შიმშლობა დაიწყო ენმ-ის 9 დეპუტატმა და პარტიის წევრმა გიორგი ბარამიძემ, დღეს კი რუსთავის საკრებულოს 6-მა წევრმა. იმავეს ითხოვს დროას დამფუძნებელი, ელენე ხოშტარია, რომელიც საკანონმდებლო ორგანოში მე-13 დღეა შიმშილობს.

ექსპრეზიდენტი უკვე 46 დღეა შიმშილობს. მიხეილ სააკაშვილი და მისი ადვოკატები სამოქალაქო კლინიკაში გადაყვანას ითხოვენ, თუმცა ხელისუფლება უარზეა — ამის ნაცვლად ის გლდანის ციხის სამკურნალო დაწესებულებაში გადაიყვანეს, სადაც იძულებით შეიყვანეს.

სტრასბურგის სასამართლოს გადაწყვეტილების შემდეგ სააკაშვილმა განაცხადა, რომ შიმშილობას შეწყვეტს, თუ სამოქალაქო კლინიკაში გადაიყვანენ. პასუხად იუსტიციის მინისტრმა თქვა, რომ მოხარული იქნებიან თუ არ იშიმშილებს, მაგრამ დათქმების გარეშე.

13 ნოემბერს მისმა ექიმმა განაცხადა, რომ სააკაშვილი თავს ცუდად გრძნობდა და საწოლიდან ვერ ადგა. 14 ნოემბერს კი მან აღნიშნა, რომ ექსპრეზიდენტი სუსტად არის, მაგრამ სასამართლო პროცესზე დასწრება შეუძლია. სურვილის მიუხედვად, ის პროცესზე ისევ არ დაასწრეს.