House of Gucci-ის პრემიერაზე ლედი გაგას მშვენიერებამ ფილმიც კი გადაფარა

ახლახან ლონდონში რიდლი სკოტის ახალი გახმაურებული ფილმის — გუჩის სახლის პრემიერა შედგა. იტალიური მოდის სახლის შესახებ გადაღებული დრამის სანახავად მისულ ადამიანებს წითელ ხალიჩაზე უფრო დიდი სიურპრიზი — მომაჯადოებელი ლედი გაგა დახვდათ.

პრემიერაზე ლედი გაგა გუჩის იასამნისფერი კაბით გამოჩნდა. თამამად შეიძლება ითქვას, რომ მისმა მშვენიერებამ თავად პრემიერაც კი გადაფარა.

გუჩის სახლი, რომელშიც მთავარ როლებს ლედი გაგა (პატრიცია რეჯიანი) და ოსკარის ორგზის ნომინანტი, ადამ დრაივერი (მაურიციო გუჩი), ასრულებენ, ცნობილი მოდის სახლის მმართველი ოჯახის ისტორიის ერთ-ერთი ყველაზე დრამატული, კრიმინალური და ტრაგიკული ეპიზოდის შესახებ მოგვითხრობს.

"სიყვარულის, ღალატის, დაცემის, შურისძიების და მკვლელობის 30-წლიანი დრამა" იმაზე ჰყვება, თუ რას ნიშნავს რეპუტაცია და რისი გაკეთება შეუძლია სახელგანთქმულ ოჯახს მის დასაცავად.

ფილმში ადამ დრაივერთან და ლედი გაგასთან ერთად სელმა ჰაიეკი, ჯარედ ლეტო, ჯერემი აირონი და ალ პაჩინო მონაწილეობენ. აღსანიშნავია, რომ ფილმში ეპიზოდური როლი ქართველ მსახიობ ლუკა ჩიქოვანსაც აქვს.

ფილმის სცენარი ბეკი ჯონსტონსა და რობერტო ბენტივენას ეკუთვნის, ისტორია კი სარა გეი ფორდენის 2001 წლის წიგნს — გუჩის სახლი: მკვლელობის, შეშლილობის, მომხიბვლელობისა და სიხარბის ამბავს — ეფუძნება.

გუჩის სახლი კინოთეატრებში 24 ნოემბრიდან გამოვა. მანამდე კი ლედი გაგას მშვენიერებით ტკბობის შემდეგ, ტრეილერის ნახვა შეგიძლიათ:

ბოლო ამბები:

გირჩევთ

House of Gucci-ის პრემიერაზე ლედი გაგას მშვენიერებამ ფილმიც კი გადაფარა

კომენტარები

კვირის ტოპ-5

გირჩევთ

ახლა კითხულობენ

აღმოაჩინეს "სიგამხდრის მუტაცია", რომელიც ოზემპიკივით მოქმედებს