ნაციონალური მოძრაობის დეპუტატის, ანა წითლიძის თქმით, ციხეში მყოფი მიხეილ სააკაშვილი ქართული ოცნებისთვის პანიკური შიშის საფუძველია.

"მიშას რომელსაც ცხრა წელი ქართული ოცნება აბრალებდა ყველაფერს და სასამართლოთი ემუქრებოდა, დღევანდელ სასამართლო სხდომაზე არ მოჰყავთ. არადა პირიქით უნდა იყოს, ხელისუფლების ინტერესებში უნდა შედიოდეს "დამნაშავე" მიშას სასამართლო პროცესები რომ არა ყველა წარდგენილი ბრალდების უსაფუძვლობა. მიზეზი ერთია: ციხეში გამოკეტილიც კი მიშა პანიკური შიშის საფუძველია ოცნებისთვის", — აცხადებს წითლიძე.

ექსპრეზიდენტ მიხეილ სააკაშვილს, მისი სურვილის მიუხედავად სასამართლო სხდომაზე არ მიიყვანენ. პროცესი თბილისის საქალაქო სასამართლოში 13:00 საათზეა ჩანიშნული. სასამართლო სხდომაზე მის დასწრებას ადვოკატებიც ითხოვდნენ.