პარტია მოქალაქეების ლიდერი და პარლამენტის დეპუტატი, ალეკო ელისაშვილი ამბობს, რომ ყველა სიტყვას მოაწერდა ხელს, რაც საქართველოს პრეზიდენტმა, სალომე ზურაბიშვილიმა გუშინ გამართულ ბრიფინგზე თქვა. ამის შესახებ მან საკუთარ Facebook-ზე დაწერა.

"ყველა სიტყვას მოვაწერდი ხელს, რაც სალომე ზურაბიშვილმა თქვა გუშინდელ ბრიფინგზე, ბრავო! ცოტაც და ყველა საძაგელ სიტყვას უკან წავიღებ და ყველა სიტყვაზე ბოდიშს მოვიხდი, რაც მასზე წლების მანძილზე მითქვამს. ქართული პოლიტიკური ზიზღის პინგპონგის ფონზე ერთადერთი სახელმწიფოებრივად მოაზროვნეა, ჯერჯერობით", — წერს ის.

3 ნოემბერს ზურაბიშვილის საგანგებო ბრიფინგი გაიმართა. პრეზიდენტმა ბრიფინგი "თავისუფლად ჩატარებული" არჩევნების შეჯამებით, შედეგებზე საუბრითა და მილოცვებით დაიწყო, შემდეგ კი პანდემიაზე, ვაქცინაციაზე და ამ საკითხისადმი ეკლესიის დამოკიდებულებაზე ისაუბრა. ექსპრეზიდენტის ჯანმრთელობასთან დაკავშირებული სავარაუდო საფრთხეები თითქმის 15-წუთიანი ბრიფინგის ბოლო საკითხი იყო.

გაიგეთ მეტი: