როცა საქმე შოპინგზე მიდგება, არსებობენ შოპინგის თავგადაკლული მოყვარულები, რომლებიც მთელ ხელფასს ტოვებენ მაღაზიებში და ადამიანები, რომლებიც სიამოვნებით იზამდნენ იგივეს, ცოტა ხნით კეთილგონიერების გამორთვა რომ შეეძლოთ.

მაინც რატომ გვიყვარს შოპინგი? რა არის მასში ისეთი სასიამოვნო, რომ ფეხით რამდენიმე კილომეტრს ვფარავთ სასურველი ნივთების ძებნაში? (დიახ, ასეა, საშუალოდ, ადამიანი შოპინგისას 7700 ნაბიჯს დგამს, რაც ახლოსაა რეკომენდებულ დღიურ 10 000 ნაბიჯთან).

შოპინგში გამოცდილი ადამიანები გეტყვიან, რომ ბევრი რამ:

  • ვიტრინების თვალიერება და სექციებს შორის ხეტიალი
  • იმ ტანსაცმლის მოსინჯვა, რომელიც მანეკენს უფრო უხდებოდა, მაგრამ არც ჩვენ გვაქვს ცუდად
  • ქაღალდის შრაშუნა ჩანთით სიარული, რომელშიც ახალთახალი მაისური/კაბა/შარვალი/ფეხსაცმელი დევს
  • სახლში მისვლისას ნავაჭრისთვის იარლიყების მოხსნა, უფრო გემრიელად მოსინჯვა და სარკესთან ტრიალი
  • კომპლიმენტების მიღება

ერთადერთი, რაც სასიამოვნო არაა, თანხის ჩამოჭრის შესახებ მოსული მესიჯებია, რომელთა უგულებელყოფაც ცოტა რთულია ხოლმე.

ისთ ფოინთმა გადაწყვიტა, შოპინგის, გართობისა და დასვენების მოყვარულებს სულ სხვანაირი შოპინგის შანსი მისცეს - ყოველგვარი სინდისის ქენჯნის გარეშე.

დღეიდან ერთი თვის განმავლობაში მომხმარებელს შეეძლება, უპრეცედენტო გათამაშებაში ჩაერთოს, რომლის მთავარი პრიზიც ცოტა დაუჯერებელია: მთელი ქალაქი ერთი ღამით გამარჯვებულის განკარგულებაში.

ერთი იღბლიანი ადამიანი სრულიად უფასოდ იშოპინგებს ტანსაცმლის, ფეხსაცმლისა და აქსესუარების მაღაზიებში. ხელს არავინ შეუშლის, არც არავინ დააჩქარებს. აუღელვებლად შეძლებს, მთელი ისთ ფოინთი გაიტანოს.

იმისთვის, რომ გათამაშებაში მონაწილეობა მიიღოთ, ისთ ფოინთში მინიმუმ 50-ლარიანი შენაძენი უნდა განახორციელოთ, მერე კი ქვითარი გათამაშების ბილეთში გადაცვალოთ. გამარჯვებულები 23 აპრილს გამოვლინდებიან Facebook Live-ით, რა დროსაც დოლურადან გათამაშების ბილეთებს ამოიღებენ. თუ ის ერთადერთი ვერ გახდებით, გული არ გაიტეხოთ. მთავარი პრიზის გარდა კიდევ 100 000 ლარის ოდენობის 100 პრიზი გათამაშდება.

გათამაშების სახელი "ქალაქობანაა" და თუ ამ თამაშში ბავშვობაში ყველას უგებდით, შეიძლება ახლაც გაგიმართლოთ.

გათამაშების წესებს დეტალურად შეგიძლიათ აქ გაეცნოთ.