შინაგან საქმეთა სამინისტრომ ბათუმში 11-12 მარტს არეულობაში მონაწილეობის ბრალდებით კიდევ რვა პირი დააკავა. ამის შესახებ On.ge-ს უწყების პრესსამსახურში უთხრეს.

მათი ინფორმაციით, ამ რვა პირსაც, ისევე, როგორც მანამდე დაკავებულ ექვს პირს გამოძიება სისხლის სამართლის კოდექსის 225-ე მუხლის მე-2 ნაწილითა და 3531-ე მუხლის პირველი და მეორე ნაწილებით ჩადენილ დანაშაულს ედავება. ამ მუხლებით, ჯგუფურ ძალადობაში მონაწილეობა თავისუფლების აღკვეთას ოთხიდან ექვს წლამდე ვადით ითვალისწინებს, პოლიციელზე ან ხელისუფლების სხვა წარმომადგენელზე, ანდა მათ სამსახურებრივ შენობაზე ან სატრანსპორტო საშუალებაზე თავდასხმა და პოლიციელის ჯანმრთელობის ხელყოფა, სამსახურებრივ საქმიანობასთან დაკავშირებით სასჯელის სახით ითვალისწინებს თავისუფლების აღკვეთას შვიდიდან თერთმეტ წლამდე ვადით. იგივე ბრალი კიდევ ერთ პირს აქვს წაყენებული, თუმცა, ის დაკავებული არაა.

როგორც გუშინ გახდა ცნობილი, ბათუმის საქალაქო სასამართლომ, 11-12 მარტის არეულობაში მონაწილეობის ბრალდებით დაკავებულ ხუთ პირს აღკვეთის ღონისძიების სახით წინასწარი პატიმრობა შეუფარდა.