ქართული ოცნების დეპუტატი გურამ მაჭარაშვილი აცხადებს, რომ პრეზიდენტის ადმინისტრაციას არ აქვს ობიექტური სურათი იმისთვის, რომ განსაზღვროს საჭიროა თუ არა სესხის აღება. მისი თქმით, ამას მთავრობა ეკონომიკური გუნდთან კონსუტლაციის საფუძველზე წყვეტს.

"სესხის აღების ნაწილში პრეზიდენტის განცხადებას, ამ გადაწყვეტილებას იღებს მთავრობა, ეკონომიკურ გუნდთან კონსულტაციების საფუძველზე. თუ რამდენად საჭიროა ამა თუ იმ მომენტში კონკრეტული ფინანსური ოპერაციის შესრულება. [...]

რისი რესურსიც ბუნებრივია პრეზიდენტის ადმინისტრაციას არ გააჩნია. მას არ ექნება ობიექტური სურათი და ობიექტური ინფორმაცია, იმასთან დაკავშირებით საჭიროა თუ არა სესხის აღება კონკრეტულად ამა თუ იმ პერიოდში", — აღნიშნა გურამ მაჭარაშვილმა.

გურამ მაჭარაშვილმა ასევე განმარტა, რომ პრეზიდენტის განცხადებას ეთანხმება ნაციონალური მოძრაობის შეფასების ნაწილში. მისი თქმით, პარტია 5 თვის განმავლობაში უარყოფდა შეთანხმების ყველა ნაწილს და მათი მხრიდან დოკუმენტზე ხელმოწერა ნამდვილად უადგილო და თავხედური იყო.

საქართველოს პრეზიდენტის, სალომე ზურაბიშვილის განცხადებით, ევროკავშირის დახმარებაზე უარის თქმა მისთვის გაუგებარი ნაბიჯია. ამის შესახებ მან საგანგებო ბრიფინგზე ისაუბრა.

საქართველომ ევროკავშირის მაკროფინანსური დახმარების მეორე ნაწილზე უარი თქვა.