საქართველოს რკინიგზას ორსართულიანი, შვეიცარიული მატარებლები შემოჰყავს თბილისი-ბათუმის რეისზე.

რკინიგზის დირექტორის მამუკა ბახტაძის თქმით, მატარებლები თბილისში 17 ივლისს შემოვა და ტექნიკური რეგლამენტის გავლის შემდეგ რეისების შესრულებასაც დაიწყებს.

საქართველოს რკინიგზა თავის ფეისბუქის გვერდზე ორსართულიანი მატარებლების პირველ ესკიზს აქვეყნებს.

რკინიგზის ინფორმაციით, მგზავრობის გაძვირება არ იგეგმება.

"ოთხი ახალი მატარებელი საჭირო ყველა თანამედროვე მოწყობილობით, ულტრათანამედროვე ტიპის უსაფრთხოების სისტემებით არის აღჭურვილი, რომელიც სრულ შესაბამისობაშია ევროპულ უსაფრთხოების სტანდარტებთან. ქართულ რეალობაში ეს იქნება პირველი მატარებელი, რომელიც სრულად იქნება მორგებული შეზღუდული შესაძლებლობის მქონე პირების საჭიროებებზე".

მატარებლების ღირებულება ჯამში დაახლოებით 40 მილიონი ევროა.