განათლების მინისტრი ალექსანდრე ჯეჯელავა გაზეთ კვირის პალიტრასთან ინტერვიუზე აცხადებს, რომ მათ არასწორად გამოიტანეს მისი ნათქვამი.

"კვირის პალიტრას ინტერვიუ მივეცი და არასწორად იყო გამოტანილი. ჩემი მოსაზრება ასეთია: სტრასბურგის სასამართლო არ არის მეოთხე ინსტანცია. საქართველოში არის სასამართლოს სამი ინსტანცია და ისინი იღებენ გადაწყვეტილებას ქონებრივ დავასთან დაკავშირებით. ევროსასამართლო იღებს გადაწყვეტილებას დააბრუნოს სასამართლო განხილვაში ესა თუ ის საქმე. ანუ სტრასბურგის სასამართლოს გადაწყვეტილების გაუქმების ტექნიკური შესაძლებლობა არ აქვს" - აცხადებს ჯეჯელავა.

ალექსანდრე ჯეჯელავამ გაზეთ კვირის პალიტრასთან ინტერვიუში თქვა, რომ სტრასბურგმა უზენაესი სასამართლოს გადაწყვეტილება იმიტიმ შეაჩერა, რომ რუსთავი 2-ის ადვოკატებმა მას "აპოკალიფსი დაუხატეს".