განათლების მინისტრმა, ალექსანდრე ჯეჯელავამ, მთავრობის სხდომის დასრულების შემდეგ, ბათუმის ინციდენტზე განაცხადა, რომ ადგილობრივი მოსახლეობის გრძნობები გამოიყენეს:

"გამოძიებას უნდა დაველოდოთ. მანამდე ჩვენს მიერ რაიმე დასკვნის გაკეთება ვინ იდგა ამის უკან არასწორი იქნება. მეორე მხრივ პოლიტიკური შეფასების თვალსაზრისით, გვაქვს ეჭვი, რომ ადგილობრივი მოსახლეობის გრძნობები და ის კონფლიქტი, რაც იქ მოხდა, იქნა გამოყენებული და ამის დასტური ენმ-ის წევრების განცხადებები ბოლო დღეებში. იმის დასტურია, რომ მათ აქვთ სურვილი ნებისმიერი სახის კონფლიქტი გამოიყენონ თავისი პოლიტიკური მიზნებისთვის და თავის პოლიტიკურ მიზნებს აყენებენ უფრო წინ ვიდრე ქვეყნის ან რომელიმე რეგიონის სიმშვიდეს, რაც ძალიან სამწუხაროა".