ბელარუსის პრეზიდენტმა, ალექსანდრ ლუკაშენკომ უკრაინასთან საზღვრის ჩაკეტვის განკარგულება გასცა. ინფორმაციას Reuters ადგილობრივ მედიაზე დაყრდნობით ავრცელებს.

"დიდი რაოდენობით იარაღი შემოდის უკრაინიდან ბელარუსში. ამიტომ სასაზღვრო უსაფრთხოების ძალებს უკრაინასთან საზღვრის სრული ჩაკეტვის ბრძანება მივეცი", — აცხადებს ის.

მისი თქმით, ამის უკან გერმანია, ლიტვა, პოლონეთი, უკრაინა და ამერიკის შეერთებული შტატები დგანან.