საქართველოს პრეზიდენტმა, სალომე ზურაბიშვილმა ქართულ ბიზნესს მოუწოდა, რომ სადაც ამ სფეროს დასჭირდება, იქ იქნება. აღნიშნულზე ზურაბიშვილმა Forbes-თან ინტერვიუში ისაუბრა.

"მე ვარ ყველგან, სადაც ჩემი ყოფნაა საჭირო. პრეზიდენტის მოვალეობაა ხელი შეუწყოს ქართული კულტურის, სპორტის და ბიზნესის განვითარებას ქვეყნის გარეთ. მე მზად ვარ ამ პროცესში ჩართულობისთვის, რადგან ვფიქრობ, რომ ჩემი როგორც პრეზიდენტის ჩართულობა პოპულარიზაციის პროცესს კიდევ ერთ განზომილებას მატებს, რომელიც არ არის წმინდად კომერციული. ამ მხრივ ჩემი კონტაქტების გამოყენება არის არამხოლოდ ჩემი უფლება, არამედ ჩემი მოვალეობა. ჩემი როგორც პრეზიდენტის მოვალეობაა, წარმოვადგინო ქვეყნის სხვადასხვა ღირსშესანიშნავი ნაწილები. მე მოვუწოდებ ქართულ ბიზნესს, სადაც მათ დასჭირდებათ, იქ ვიქნები", — განაცხადა ზურაბიშვილმა [ფორბსის თარგმანი].