სომხეთის პრემიერმინისტრის მოვალეობის შემსრულებელი, ნიკოლ ფაშინიანი მზად არის, რომ შვილი აზერბაიჯანში დაკავებულ სომეხ სამხედრო ტყვეებში გაცვალოს. ამის შესახებ ინფორმაციას Armenpress ავრცელებს.

მედიის ცნობით, ფაშინიანმა ამის შესახებ ოფიციალური განცხადება ქალაქ აპარანში ადგილობრივებთან შეხვედრის დროს გააკეთა. გამოცემა წერს, რომ ამით მან უპასუხა სომხეთის ყოფილი პრეზიდენტების, სერჟ სარქისიანისა და რობერტ ქოჩარიანის განცხადებას ფაშინიანის მიერ შვილის სამხედრო ტყვეებში გაცვლის შესახებ.

"ალიევს ოფიციალურად ვეუბნები, რომ ვუცვლი ჩემს შვილს ყველა სამხედრო პატიმრის სანაცვლოდ", — თქვა მან.

აღნიშნულს ფაშინიანის შვილი სოციალურ ქსელში გამოეხმაურა. მისი თქმით, მზად არის სომეხი ჯარისკაცების დაბრუნების სანაცვლოდ, მძევლად ჩაბარდეს.