პარტია კანონი და სამართლის წევრი თაკო ჩარკვიანი პარლამენტში მივიდა და განაცხადა, რომ დამოუკიდებელი დეპუტატია. მისი თქმით, ჰქონდა გამოკითხვები, მათ შორის, ფეისბუქზე და მხარდამჭერები, რომლებიც მანამდე ურჩევნდენ პარლამენტში არშესვლას, ახლა საპირისპიროსკენ მოუწოდებდნენ.

"თქვენ იცით გადაწვყეტილება ბოიკოტთან დაკავშირებით ჩემი. მე ძალიან მყარად ვემხრობოდი ამ ბოიკოტს, რომელიც ხელმომწერთა ჯგუფმა, ვინც ჩემი აზრით ნაადრევად შევიდა, სრულიად შეცვალეს ვითარება. ბოიკოტი იყო განკუთვნილი იმისთვის, რომ ყოფილიყო ერთპარტიული პარლამენტი, რომელიც აღარ არის შესვლის შემდეგ და მრავალპარტიული გახდა. ახლა უკვე ოპონენტს, რომელსაც ჩვენ პრეტენზიებს ვუყენებთ, ამ შემთხვევაში ხელისუფლებას უფრო აწყობს ის, რომ მრავალპარტიულია უკვე და შენ იქნები თუ არ იქნები, რაოდენ მსხვილი ოპოზიციური პარტიაც არ უნდა იყოს ენმ, ან ჩემი პარტიიდან, ან სხვა დამოუკიდებელი დეპუტატი, უკვე მათთვის მნიშვნელობა აღარ აქვს, პირიქით უფრო კომფორტულია.

ჩვენ რა თქმა უნდა გვინდა, რომ კომფორტის ზონა არ ქონდეს ხელისუფლებას და რაც უფრო ნაკლებად კომფორტაბელურ ზონაში იქნებიან, უფრო კარგია ეს ხალხისთივს", — განაცხადა თაკო ჩარკვიანმა.

ჩარკვიანს ჰკითხეთ, სამომავლოდ რომელ ფრაქციაში გაერთიანდება, რაზეც მან განაცხადა, რომ საპრეზიდენტო არჩევნების დროს ენმ – ძალა ერთობაშიასთან ერთად დიდი წვლილი აქვს.

"ჩვენ ისევ გვინდა, რომ ძალა ერთობაშიას ფორმატში ვიურთიერთოთ ადამიანებთან. აქ არ არის საუბარი კონკრეტულად ნაციონალური მოძრაობის ფრაქციაზე, ნახეთ, მე ხაზი გავუსვი, მე ვთქვი, ძალა ეთბაშიასთან ერთად, იმიტომ, რომ მე ვარ ინდივიდუალურად ჩემი პარტიიდან", — განაცხადა მან ჟურნალისტებთან.