პარლამენტის ვიცე-სპიკერის, გია ვოლსკის განცხადებით, პარლამენტის ყოფილი თავმჯდომარე, არჩილ თალაკვაძე თბილისის მერობის კანდიდატად არ განიხილება. ამის შესახებ მან ჟურნალისტებს პარლამენტში განუცხადა.

მას შემდეგ, რაც არჩილ თალაკვაძე გადადგა, მედიაში ვრცელდება ინფორმაცია, რომ ის შესაძლოა თბილისის მერობის კანდიდატად დასახელდეს. აღნიშნულ ინფორმაციას ქართულ ოცნებაში არ ადასტურებენ. რაც შეეხება, თბილისის მერს, კახა კალაძეს, ის ამბობს, რომ დეტალურად ყველაფერს მოგვიანებით გავიგებთ.

არჩილ თალაკვაძემ პარლამენტის თავმჯდომარის თანამდებობა შაბათს, 24 აპრილს დატოვა. ამის მიზეზი, მისი თქმით, ისაა, რომ მოლაპარაკებებზე მხარეს წარმოადგენდა, ხოლო პარლამენტის სპიკერი "ნეიტრალური უნდა იყოს". დღეს გავრცელდა ინფორმაცია, რომ, შესაძლოა, ის ქართული ოცნების მიერ თბილისის მერობის კანდიდატად იყოს წარდგენილი.