"როდესაც საუბარია ქვეყნის განვითარებაზე, კრიტიკულ ინფრასტრუქტურაზე, ჩვენ არ შეგვიძლია ველოდოთ ვინმეს წლობით", — განაცხადა ირაკლი კობახიძემ ანაკლიის პორტზე საუბრისას. მისი თქმით, "ამერიკულმა კომპანიებმა არ გამოიჩინეს ინტერესი ამ პროექტის მიმართ".

"ანაკლიის პორტთან დაკავშირებით ჩვენ გვქონდა გამოცხადებული ღია ტენდერი, სადაც ნებისმიერ კომპანიას, მათ შორის ამერიკულ კომპანიებსაც, შეეძლოთ მონაწილეობის მიღება. სამწუხაროდ, ამერიკულმა კომპანიებმა არ გამოიჩინეს ინტერესი ამ პროექტის მიმართ. ჩინურმა კონსორციუმმა წარმოადგინა საუკეთესო წინადადება. შესაბამისად, გადაწყვეტილება იქნა მიღებული კომერციული და ეკონომიკური ინტერესებიდან გამომდინარე. ეს არის საქართველოს სუვერენული გადაწყვეტილება და ჩვენ ვიცავთ ჩვენი ქვეყნის ეკონომიკურ ინტერესებს.

...როდესაც საუბარია ქვეყნის განვითარებაზე, კრიტიკულ ინფრასტრუქტურაზე, ჩვენ არ შეგვიძლია ველოდოთ ვინმეს წლობით. პროექტი უნდა განხორციელდეს. თუ ამერიკულ მხარეს ჰქონდა ინტერესი, მათ შეეძლოთ მონაწილეობა. როდესაც ინტერესი არ არის მათი მხრიდან, ჩვენ ვერ დავტოვებთ პროექტს გაუჩერებელს. ჩინეთი არის გლობალური ეკონომიკური აქტორი და მასთან თანამშრომლობა ამ მიმართულებით არის სრულიად ბუნებრივი. ყოველგვარი პოლიტიკური სარჩულის გარეშე", — განაცხადა ირაკლი კობახიძემ ბრიფინგზე.