ჭრელ აბანოში ორი ადამიანი გარდაცვლილი იპოვეს. ინფორმაცია NEWS.On.ge-ის შინაგან საქმეთა სამინისტროში დაუდასტურეს. არსებული ინფორმაციით, შემთხვევა გუშინ გვიან ღამით მოხდა. გარდაცვლილები აბანოს ორ სხვადასხვა სივრცეში იპოვეს.

როგორც, შსს-მ NEWS.On.ge-ისთან საუბრისას განაცხადა, გარდაცვლილები უცხო ქვეყნის მოქალაქეები არიან და "ასაკიანები იყვნენ". ამ დროისთვის დამატებითი დეტალები უცნობია.

გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.