საგარეო საქმეთა მინისტრის, დავით ზალკალიანის განცხადებით, ქართული ოცნების ხელისუფლება 2012 წლიდან ებრძვის ნარატივს, რომ ის ცვლის ქვეყნის კურსს.

"ჩვენ 2012 წლიდან, მოსვლის პირველი დღიდანვე, ვებრძვით ამ ნარატივს, განსაკუთრებით პირველ წლებში, როდესაც მოგვიწია კოაბიტაციის პირობებში საქმიანობა და ჩვენ დაგვხვდა უმძიმესი მემკვიდრეობა მაშინ, ვინც საერთაშორისო მიმართულებით ვმუშაობდით, წინა ხელისუფლებას ჰქონდა დამკვიდრებული ნარატივი, რომ ეს არის, რომ ეს არის ხელისუფლება, რომელიც მოვიდა, ცვლის ქვეყნის კურსს და წაიყვანს ქვეყანას აბსოლუტურად განსხვავებული მიმართულებით, ვიდრე ეს იყო 2012 წლამდე", — განაცხადა ზალკალიანმა იმედის ეთერში.

ზალკალიანის თქმით, საქართველოს ევროპეიზაციის, ნატოში ინტეგრაციის კურსი შეუქცევადია.