რაგბის კავშირის პრეზიდენტად სოსო ტყემალაძე აირჩიეს. ამის შესახებ სულ ცოტა ხნის წინ გახდა ცნობილი.

"38 ხმა იყო საკმარისი კვორუმის მოსაგროვებლად, რომ ჩატარებულიყო ყრილობა და ლეგიტიმურად გამოცხადებულიყო ყრილობის ჩატარება. რა თქმა უნდა, 25 დელეგატი მობრძანდა. 42 ხმით შედგა ყრილობა, ავირჩიეთ პრეზიდენტი, იყო ერთი კანდიდატი, ბატონი იოსებ ტყემალაძე, რომელიც არჩეული იქნა აბსოულუტური უმრავლესობით", — განაცხადეს რაგბის კავშირში.

რაგბის კავშირის პრეზიდენტის საარჩევნო ყრილობა ფიზიკური და სიტყვიერი დაპირისპირების ფონზე გაიმართა. აქციის მონაწილეები დღევანდელ ყრილობას უკანონოს უწოდებდნენ. ადგილზე მობილიზული იყო პოლიციაც.

რაგბის კავშირის პრეზიდენტობის ერთადერთი კანდიდატი სოსო ტყემალაძე იყო.

2020 წლის 30 დეკემბერს ჩატარებულ არჩევნებში არჩეულ კანდიდატს, ირაკლი აბუსერიძეს საჯარო რეესტრმა უარი კავშირის წესდების საფუძველზე უთხრა. რეესტრის განმარტებით, არჩევნები კავშირის ბოლო კრებიდან, გასული წლის 24 თებერვლიდან, 30 დღეში უნდა ჩატარებულიყო. რეალურად კი იგი 10 თვის შემდეგ, 30 დეკემბერს გაიმართა. გარდა ამისა, მათ ირაკლი აბუსერიძეს დამატებითი დოკუმენტების წარდგენა მოსთხოვეს.

მიმდინარე წლის 22 იანვარს ირაკლი აბუსერიძემ საჯარო რეესტრში ადმინისტრაციული საჩივარი შეიტანა, სადაც ის არ დაეთანხმა მისთვის დამატებითი დოკუმენტების მოთხოვნას. საჯარო რეესტრმა საბოლოო გადაწყვეტილება აბუსერიძისთვის რეგისტრაციაზე უარის თქმის შესახებ 8 თებერვალს მიიღო. სწორედ ამის შემდეგ ჩაინიშნა ახალი არჩევნები, რომელიც, როგორც უკვე აღვნიშნეთ ერთადერთი კანდიდატი, სოსო ტყემალაძე იღებდა მონაწილეობას.

გაიგეთ მეტი: