ქართული ოცნების დეპუტატი, ელისო ბოლქვაძეს ნაციონალური მოძრაობის თავმჯდომარე, ნიკა მელიასთვის იმუნიტეტის მოხსნის საკითხზე აცხადებს, რომ ის კანონის უზენაესობის მომხრეა. ჟურნალისტის კითხვაზე, რა იქნება მისი პირადი გადაწყვეტილება მელიას იმუნიტეტის მოხსნასთან დაკავშირებით, ამბობს, რომ მას საკანონმდებლო ორგანოში პირადი გადაწყვეტილებების მიღება არ შეუძლია.

"პირადად ჩემი აზრი თუ გაინტერესებთ, მე ვემხრობი კანონის უზენაესობას. მე პირადი გადაწყვეტილებები არ შემიძლია მივიღო პარლამენტში, ხომ ხვდებით? ჩემი აზრი, ხომ გითხარით, ჩემი აზრი არის ერთადერთი — კანონის უზენაესობა", — თქვა ბოლქვაძემ მთავარ არხთან.

ნიკა მელიასთვის იმუნიტეტის მოხსნის საკითხზე კენჭისყრა 16 თებერვალს პარლამენტის პლენარულ სხდომაზე გაიმართება.