ევროპული საქართველოს ერთ-ერთი ლიდერის, გიგი უგულავას განცხადებით, დეპუტატების მაქსიმალური რაოდენობა პარლამენტისგან მიღებულ ხელფასს ბიძინა ივანიშვილის რეჟიმთან საბრძოლველად გამოყენებს.

ამის შესახებ უგულავამ მას შემდეგ განაცხადა, რაც პარლამენტის უმრავლესობის ლიდერმა, ირაკლი კობახიძემ თქვა, რომ ზოგიერთმა ოპოზიციონერმა პარლამენტს ანაზღაურებისთვის მიმართა. უგულავას განმარტებით, ეს ფული სამოქალაქო აქტივიზმს მოხმარდება.

"დიახ, ჩემო ბატონო ძვირფასო ირაკლი, მაქსიმალურად ბევრი დეპუატატი ამ ხელფასს გამოიყენებს ივანიშვილის რეჟიმთან ბრძოლაში. ეს იმას ნიშნავს, რომ სამოქალაქო აქტივისტები, რომლებიც დღეს აქტიურობენ, მაგალითად, პარლამენტთან, ბათუმში, რომ ხელფასები მანამ, სანამ ეს ხელფასები ჩაირიცხება, და შეგახსენებთ, რომ ხელისუფლება მაქისიმალურად ცდილობს გაწელოს [დრო]. ასე რომ, რაც უფრო გაწელავთ, მით უფორ მეტი თანხა იქნება გამოყოფილი თქვენ მიერ თქვენს რეჟიმთან საბრძილველად", — განაცხადა უგულავამ.

ოპოზიციური პარტიები, რომლებმაც ცესკოს მონაცემებით ბარიერი გადალახეს ბოიკოტის რეჟიმში არიან და პარლამენტში შესვლაზე უარს ამბობენ, ამიტომ პარლამენტი ერთპარტიულია და მხოლოდ ქართული ოცნების დეპუტატებითაა დაკომპლექტებული. პარტიების უმეტესობამ მანდატებზე უარი თქვა და საპარლამენტო სიებიც ჩახსნა. დანარჩენები კი ფასილიტატორების ჩართულობით მმართველ გუნდთან მოლაპარაკებებს ელოდებიან და მხოლოდ ამის შემდეგ აპირებენ მანდატებზე უარის თქმას ან პარლამენტში შესვლას.

25 დეკემბერს ცნობილი გახდა, რომ ოპოზიციის რამდენიმე წევრს პარლამენტის დეპუტატის ხელფასი ჩაერიცხა. როგორც პარლამენტში განმარტავენ, მიუხედავად იმისა, რომ დეპუტატების ნაწილმა პარლამენტს მანდატების გაუქმების მოთხოვნით მიმართა, ოფიციალურად, ჯერ კიდევ დეპუტატები არიან. ამიტომ, დაერიცხათ შესაბამისი ანაზღაურება.

პარლამენტში აცხადებენ, რომ ვისაც სურს უკან დააბრუნოს აღნიშნული თანხა, შეუძლია ის სახელმწიფო ხაზინაში დააბრუნოს და ამ ხელფასს პარლამენტი სახელმწიფო ბიუჯეტში დააბრუნეს. მათივე თქმით, ვისაც აღარ უნდა რომ დაერიცხოს დეპუტატის ხელფასი, წერილობით უნდა მიმართოს პარლამენტის შესაბამის სამსახურს

თუ გინდა გაიგო, როგორ მუშაობს ან ვერ მუშაობს მე-10 მოწვევის პარლამენტი, რა ინიციატივები აქვთ დეპუტატებს და ზოგადად, როგორ მიიღება გადაწყვეტილებები, რომლებიც ჩვენს ყოველდღიურობას განსაზღვრავს, შემოგვიერთდი ჯგუფში – რა ხდება პარლამენტში.