პრემიერმინისტრობის კანდიდატის, გიორგი გახარიას განცხადებით, აბაშიძე-კარასინის ფორმატს თავისი თავი ჯერ არ ამოუწურავს. ამის შესახებ მან პარლამენტის რიგგარეშე სესიის პლენარულ სხდომაზე განაცხადა.

"ეს არის ერთადერთი ორმხრივი არხი, პირველ რიგში, ეკონომიკური და ჰუმანიტარული საკითხების განსახილველად. ამ არხზე უარის თქმა, ვფიქრობ, რომ არ არის სწორი, ამიტომ ეს არხი ჩვენ მაქსიმალურად უნდა გამოვიყენოთ, განსაკუთრებით, კიდევ ერთხელ ხაზგასმით აღვნიშნავ, ჰუმანიტარული და ეკონომიკური განზომილების მიმართ", — განაცხადა გახარიამ.

აბაშიძე-კარასინის ფორმატი 2008 წლის აგვისტოს ომის შემდეგ, 2012 წელს შეიქმნა. რუსეთის ფედერაციასთან ურთიერთობის საკითხებში საქართველოს პრემიერმინისტრის სპეციალური წარმომადგენელი, ზურაბ აბაშიძე და რუსეთის ფედერალური სათათბიროს ფედერალური საბჭოს წევრი, გრიგორი კარასინი ერთმანეთს ბოლოს ონლაინ ფორმატში 28 ნოემბერს შეხვდნენ.