პარტია მოქალაქეების ერთ-ერთი ლიდერის, ლევან იოსელიანის განცხადებით, რომ არ სჯეროდეთ მათი პოზიცია სახელმწიფოებრივად სწორია, ამხელა შარში თავს არ გაყოფდნენ.

"რომ არ გვჯეროდეს, რომ ჩვენი პოზიცია არის ძალიან სწორი და არამარტო სწორი, სახელმწიფიებრივად სწორი, ნამდვილად ამხელა შარში არ გავყოფდით თავს და არ დავიტეხდით თავს ამხელა ბულინგს და შეურაცხყოფას ხალხისგან, რომელთაც მხოლოდ ერთი მიზანი აქვთ — ეს ქვეყანა შეიყვანონ ჩიხში და ეს ვაჟბატონი(გიგა ბოკერია) ჩემს წინ რომ იჯდა და სხვის უსინდისობაზე ლაპარაკობდა, თავის განვლილ პოლიტიკურ მოღვაწეობას გადახედოს და მერე გაიშვიროს თითი ალეკო ელისაშვილისკენ ", — განაცხადა იოსელიანმა TV პირველის ეთერში.

ამავე ეთერში იოსელიანის განცხადებამდე ევროპული საქართველოს ერთ-ერთმა ლიდერმა, გიგა ბოკერიამ თქვა, რომ ალეკო ელისაშვილს ოპოზიციაში არ განიხილავს, შემდეგ კი დააზუსტა, რომ მისთვის არსებობს ხელისუფლება, კობახიძე და ოპოზიცია.