ბაიდენმა პენტაგონის ხელმძღვანელობის კანდიდატად გადამდგარი გენერალი, ლოიდ ოსტინი წარადგინა. ინფორმაცია ამის შესახებ CNN-მა გაავრცელა.

დამტკიცების შემთხვევაში, პენტაგონის ისტორიაში ოსტინი პირველი აფროამერიკელი იქნება ხელმძღვანელ თანამდებობაზე. ოსტინი თანამდებობიდან 4 წლის წინ გადადგა.

"არ ვითხოვდი ამ გამონაკლისს, რომ არ მჯეროდეს, ჩვენი ისტორიის ეს მომენტი ამას ითხოვს. და რომ არ მქონდეს ლოიდ ოსტინის რწმენა, ამას არ ვითხოვდი", — განაცხადა ბაიდენმა.

ასევე, ბაიდენმა განაცხადა, რომ უნახავს ოსტინი უცხოელ ლიდერებთან ერთად ერთ მაგიდასთან და უფიქრია, იყო ის ნამდვილად სამხედრო პირი თუ დიპლომატი.

აშშ-ს 2020 წლის 3 ნოემბერს გამართული საპრეზიდენტო არჩევნების შედეგად ჯო ბაიდენმა დონალდ ტრამპი დაამარცხა და ის აშშ-ს არჩეული პრეზიდენტია.