ვიცე-პრემიერის, მაია ცქიტიშვილის თქმით, საქართველოში დღეს მიმდინარე პოლიტიკური პროცესები, რომელიც ხშირ შემთხვევაში ყოველგვარი წესების დაცვის გარეშე მიმდინარეობს, ინფიცირებულთა რაოდენობის ზრდაზე პირდაპირ აისახება.

"გასაგებია, რომ პოლიტიკური პროცესი ჩვენ ქვეყანაში ძალიან აქტიურად მიმდინარეობს. სამწუხაროდ, ყველა ვხედავთ, რომ ეს პროცესები, ხშირ შემთხვევაში, ყოველგვარი წესების დაცვის გარეშე ხდება ჩვენს ქუჩებში და ბუნებრივია, ეს პირდაპირ აისახება ინფიცირების რაოდენობის ზრდაზე. როგორც ჩანს ჩვენ გვქნება კიდევ უფრო სწრაფი ზრდა. თუ პოლიტიკური პროცესის ყველა მონაწილემ არ გაიზარა, რომ თავისი პასუხიმგებლობა აქვთ ამ პროცესში და არ დაიწყო ყველა წესის შესრულება, ეს მოგვიტანს ინფიცირებულთა რაოდენობის სწრაფ და მკვეთრ ზრდას", — განაცხადა ცქიტიშვილმა.

მისივე თქმით, შეზღუდვების დაწესება ან არ დაწესება იმაზე იქნება დამოკიდებული, თუ როგორ დაიცავს თითოეული მოქალაქე წესებს. ცქიტიშვილის განცხადებით, ეს პასუხისმგებლობა, მათ შორის პოლიტიკურ სუბიექტებსაც ეკისრებათ.