ევროპული საქართველოს ლიდერმა, გიგი უგულავამ ქართული ოცნების ლიდერი ირაკლი კობახიძე ისევ შეურაცხმყოფელად მოიხსენია და "უწიფარი ღლაპი" უწოდა. ამ ფორმით გამოეხმაურა ის შსს-ს განცხადებას იმის შესახებ, რომ კობახიძის ბრალდებებზე გამოძება დაიწყო.

"სამწუხაროდ, ჩვენ გვყავს შინაგან საქმეთა სამინისტრო, რომელიც ასეთ სიბრიყვებზე რეაგირებას ახდენს, დროს ხარჯავს, ენერგიას ხარჯავს, ფულს ხარჯავს, მაგრამ როდესაც რეალურ კრიმინალზე მიდგება საქმე, ჩვენ ვხედავთ სრულიად ჩაფლავებულ მთავრობას კრიმინალთან ბრძოლაში ", — განაცხადა გიგი უგულავამ.

30 ოქტომბერს კობახიძემ განაცხადა, რომ ოპოზიციას წინასაარჩევნოდ ხელკეტებითა აღჭურვილი ეკიპაჟები ჰყავს მობილიზებული. მან კონკრეტული ოლქებიც დაასახელა, სადაც, მისი თქმით, "პროვოკაციები ყველაზე მეტად მოსალოდნელია". კითხვას, აქვთ თუ არა ამ ინფორმაციის დამადასტურებელი მასალები, ქართული ოცნების ერთ-ერთი ლიდერი პასუხობს, რომ აქვთ სიები და ინფორმაცია აღჭურვილობის შესახებ. სხვა მასალებზე მას არ უსაუბრია.

შინაგან საქმეთა სამინისტრომ ოპოზიციის მიმართ ქართული ოცნების აღმასრულებელი მდივნის, ირაკლი კობახიძის ბრალდების შესწავლა დაიწყო. კერძოდ, უწყებაში ამბობენ, რომ ჩაატარებენ გამოკითხვებს იმის დასადგენად, იგეგმება თუ არა პროვოკაციები ოპოზიციის მხრიდან.

მათი თქმით, პოლიცია არ დაუშვებს საარჩევნო პროცესის ძალადობივი სცენარით განვითარებას და მკაცრ რეაგირებას მოახდენს სამართალდარღვევის ნებისმიერი ფაქტზე.

გაიგეთ მეტი ოპოზიციის პასუხზე:

წინასაარჩევნოდ ოპოზიციამ არაერთხელ დაადანაშაულა მმართველი გუნდი როგორც ფიზიკურ თავდასხმებში, ასევე, არჩევნებზე გავლენის მოხდენის მცდელობაში. ფიზიკური დაპირისპირების საქმეებზე დაწყებულია გამოძიება.