ერთიანი ნაციონალური მოძრაობის წევრის, გიორგი ბარამიძის თქმით, მიხეილ სააკაშვილმა "პარტიუკები" და "პოლიტიკანები" მცირერიცხოვან და ქართული ოცნების მიერ დაარსებულ პარტიებს უწოდა და არა იმათ, "ვინც თავიანთ თავზე მიიღეს", ამის შესახებ გია ბარამიძემ TV პირველთან ინტერვიუში განაცხადა.

" არ ვაპირებთ კოალიციას პარტიუკებთან და პოლიტიკანებთან, რომლითაც სავსეა [პოლიტიკური სპექტრი]. 60 პარტია იღებს მონაწილეობას არჩევნებში და ძალიან კარგად ვიცით, დიდი ნაწილი იმ პარტიუკებისა შექმნა ქართულმა ოცნებამ. მაგალითად ე.წ პატრიოტთა ალიანსი და ე.წ შავრაზმელები, ფაშისტები. რამდენი პარტიაა კიდევ, მაგალითად გია ჟორჟოლიანის ბანერს აწერია ყველა ხმა, საერთოდ კითხვარშიც არ იძებნება ამ თოჯინებს და მარიონეტებს, რა თქმა უნდა, არ განვიხილავთ პარტნიორებად. ხოლო იმ პარტიებს, რომლებთან ერთადაც ხელს ვაწერთ რეფორმების ერთად გატარებას, იმათ რატო ვუწოდებდით და რა კომპლექსი დაემართათ ამისთანა უბედურება, არც მათი პარტიის სახელი გვითქვამს, არც არც რომელიმე ლიდერის სახელი და მაინცდამაინც თავის თავზე მიიღეს", — განაცხადა ბარამიძემ.

საქართველოს ყოფილმა პრეზიდენტმა, მიხეილ სააკაშვილმა განაცხადა რომ, იგი მხოლოდ საზოგადოების კოალიციას ხედავს, ხოლო პარტიულ კოალიციას — არა. თუმცა მალევე გადაიფიქრა და თქვა, რომ "ინკლუზიური მთავრობის" მომხრეა.