წმინდა სინოდი 22 დეკემბრის სხდომის შემდეგ ოქმს აქვეყნებს, სადაც მიმართავს სასულიერო პირებსა და მრევლს, რომ არ აჰყვნენ პროვოკაციებს:

"ისტორიის მანძილზე არაერთი მაგალითი გვაქვს იმისა, თუ როგორი მწვავე დებატები იმართებოდა ამა თუ იმ საეკლესიო საკითხთან დაკავშირებით, თუმცა ეს თემები ეხებოდა არა პირად ურთიერთობებს, არამედ დოგმატურ-სარწმუნოებრივ პრობლემებს. სარწმუნოებრივ საკითხებზე მწვავე კამათი ბუნებრივი მოვლენაა, მაგრამ ასეთი თემებიც და სხვა საკითხებიც, პირველ რიგში, ეკლესიის წიაღში უნდა შეფასდეს და მხოლოდ ამის შემდეგ უნდა მიეწოდოს საზოგადოებას, რადგან მოქალაქეები რეალურად არსებულ ვითარებას ნაკლებად იცნობენ და ეს მათთვის შეიძლება გახდეს დაბრკოლების საგანი და ცოდვის მიზეზი".

სინოდის სხდომის დაწყებამდე, ჭყონდიდის მიტროპოლიტმა მეუფე პეტრემ ჟურნალისტებთან საუბრისას საპატრიარქოში არსებულ პრობლემებზე ისაუბრა. მან თქვა, რომ საპატრიარქოში არსებული ძირითადი პრობლემა არის პატრიარქის მდივარ-რეფერენტის შორენა თეთრუაშვილის "განუსაზღვრელი ძალაუფლება" და რომ თეთრუაშვილს ეკლესიაში "რუხი კარდინალის" პოზიცია აქვს.

2016 წლის 22 დეკემბერს საპატრიარქოში გაიმართა საქართველოს მართლმადიდებელი ეკლესიის წმიდა სინოდის მორიგი სხდომა. სხდომაზე განხილული თემების ჩამონათვალი საატრიარქომ დღეს გამოაქვეყნა.