NDI-ის კვლევის მიხედვით, გამოკითხული მოსახლეობის 67 პროცენტი მიიჩნევს, რომ ქვეყნის ეკონომიკის წინაშე მდგარი ყველაზე დიდი პრობლემა უმუშევრობაა. გამოკითხულთა მხოლოდ 1 პროცენტს მიაჩნია, რომ ქვეყნის ეკონომიკაში პრობლემა არ არის.

ფოტო: NDI

რაც შეეხება გამოკითხულთა აზრს, რა არის მათი ქალაქის/სოფლის ეკონომიკური განვითარების შესაძლებლობა, 40 პროცენტს მიაჩნია, რომ მიწათმოქმედება. თბილისში მცხოვრებ მოსახლეობის 58 პროცენტს კი მიაჩნია, რომ ქალაქის ეკონომიკის განვითარების მთავარი გზა ტურიზმია. იმავეს ამბობს სხვა ქალაქებში გამოკითხულთა უმრავლესობა, 46 პროცენტი.

ფოტო: NDI

NDI-ის კვლევა 6-11 აგვისტოს საქართველოს მასშტაბით 2 045 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). გამოკითხვის საშუალო ცდომილების ზღვარი არის +/- 1,3 პროცენტია.

ორგანიზაციის განცხადებით, რესპონდენტები მარტივი შემთხვევითი შერჩევის გზით — შემთხვევით ნომერზე დარეკვის მეთოდით შეირჩნენ. NDI-ს ინფორმაციით, ინტერვიუები ჩატარდა ქართულ, აზერბაიჯანულ, სომხურ და რუსულ ენებზე. მათივე თქმით, კვლევა საქართველოს მთლიანი მოსახლეობის წარმომადგენლობითია (ოკუპირებული ტერიტორიების გამოკლებით).