პროკურატურის ინფორმაციით, 2 წლის ბავშვზე ძალადობის ბრალდებით დაკავებულ ლ.ლ.-ს ბრალდება წარედგინა.

შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებული ქ.თბილისში, ერთ-ერთ ოჯახში ძიძად მუშაობდა, სადაც 2 სხვა ძიძასთან ერთად 5 მცირეწლოვან ბავშვს უვლიდა. ძიძასისტემატურად ძალადობდა 2 წლის მცირეწლოვან ბავშვზე.

სამართალდამცველებმა ძიძა 2020 წლის 22 აგვისტოს დააკავეს. მას საქართველოს სისხლის სამართლის კოდექსის 126-ე მუხლის მე-2 ნაწილის "დ" ქვეპუნქტით წარედგინა, რაც სასჯელის სახედ 4-დან 6 წლამდე თავისუფლების აღკვეთას ითვალისწინებს. პროკურატურამ თბილისის საქალაქო სასამართლოს ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით უკვე მიმართა.

მცირეწლოვანი ბავშვის დედამ ფეისბუქზე 12 აგვისტოს გააგვრცელა ვიდეო, სადაც ჩანს, როგორ სცემს და აიძულებს ძიძა ბავშვს, ჭამოს და გაჩუმდეს. ქალი წერდა, რომ ერთ დღეს ნახევარი საათი ტიროდა მისი შვილი და გვერდით კორპუსში გაიგეს, როცა იკითხა ბავშვის ტირილის დროს ძიძა სად იყო, 3-ჯერ სხვადასხვა პასუხი მიიღო. ის დაეჭვდა და ფარული მეთვალყურეობა დაიწყო.

ვიდეოებში, რომლებიც მშობელმა გამოაქვეყნა, ჩანს, როგორც სცემს ძიძა ბავშვს, ურტყამს თავში, ეჩხუბება და აიძულებს, ჭამოს. ერთ-ერთ ვიდეოში ისმის სიტყვები "დაიძინე" და შემდეგ, ბავშვის ტირილის ხმა.