თბილისის მერია აცხადებს, რომ ბიუჯეტის ახალი პროექტით, 2017 წელს, ადმინისტრაციული ხარჯები 22,3 მლნ ლარით შემცირდება. ამის შესახებ თბილისის მერმა, დავით ნარმანიამ საკრებულოში, ბიუჯეტის პროექტის წარდგენისას განაცხადა.

დავით ნარმანიას თქმით, 2016 წლის თავდაპირველად დამტკიცებულ ბიუჯეტთან შედარებით 13%-ით მცირდება შრომის ანაზღაურება, საპრემიო ფონდი, საქონელი და მომსახურება - 9,2 მლნ ლარით.

თბილისის 2017 წლის ბიუჯეტი 801 302,0 ათასი ლარით განისაზღვრა და პირვანდელ ვარიანტთან შედარებით გაზრდილია 1 031,5 ათასი ლარით.