დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე აცხადებს, რომ ქობულეთში, ბუნგალო ჰავანაში დასაქმებულ ერთ ადამიანს კორონავირუსი დაუდასტურდა. ამის შესახებ მან მთავრობის ადმინისტრაციაში, საკოორდინაციო საბჭოს შემდეგ ისაუბრა.

იმნაძემ აღნიშნა, რომ ქალი ქობულეთში თბილისიდან სამუშაოდ იყო ჩასული და იქ დასაქმებული სხვა ადამიანები უკვე გამოიკვლიეს. თუმცა NCDC-ის წარმომადგენელი მოუწოდებს ყველას, ვინც 9, 10 ან 11 აგვიტოს იგივე ბუნგალოში იმყოფებოდა, იყვნენ ფრთხილად და სიმპტომების შემთხვევაში ცხელების ცენტრებს მიმართონ.

"ბუნგალოში მომუშავე პერსონალი, რა თქმა უნდა, ყველა, ვინც კონტაქტში იყო ამ თანამშრომელთან, უკვე მოკვლეულია და გადაყვანილია იზოლაციაში და მათ გამოიკვლევენ. მაგრამ 9, 10 და 11 აგვისტოს ვინც იყო ვიზიტორები ამ კაფეში, მინდა მაქსიმალურად ესენიც გავაფრთხილო, რომ ფრთხილად იყვნენ და თუ რამე სიმპტომები გამოუვლინდებათ, მიმართონ ცხელების ცენტრებს", — თქვა იმნაძემ.

15 აგვისტოს მონაცემებით, საქართველოში კორონავირუსის 15 ახალი შემთხვევა გამოვლინდა, 3 ადამიანი კი გამოჯანმრთელდა.

ჯამში, დადასტურებულ შემთხვევათა რაოდენობა 1 321-მდე გაიზარდა, მათ შორის, გამოჯანმრთელებულია 1 088 ადამიანი, გარდაცვლილი — 17. კარანტინის რეჟიმში 7 635 პირი რჩება, სტაციონარში მეთვალყურეობის ქვეშ კი 334 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: