პრემიერმინისტრის, გიორგი გახარიას თქმით, საქართველოს თიოთოეული მოქალაქე თავს შეურაცხყოფილად გრძნობს, როცა გიორგი რურუას სისხლის სამართლის საქმე სტრატეგიულ პარტნიორებთან მსჯელობის საგანი ხდება. ამ თემაზე კომენტარი მან პარლამენტში შემაჯამებელი სიტყვის დროს გააკეთა.

"როდესაც ჩვენ, თითოეული ჩვენგანი, ჩვენი რიგითი მოქალაქეები ხედავენ, როდესაც პოლიტიკური მსჯელობის საგანი ხდება, სტრატეგიულ პარტნიორებთან კონკრეტული ადამიანის სისხლის სამართლის საქმე, ყველაფერთან ერთად, რა თქმა უნდა, საქართველოს მოქალაქე თავს გრძნობს შეურაცხყოფილად, რა თქმა უნდა, ჩვენ ყველას კარგად უნდა გვესმოდეს, რომ ეს ფეკნიუსები, მოდელირებული რეალობა, ხელოვნურად შექმნილი ისტორიები ქმნიან საფუძველს იმისთვის, რომ პოლიტიკური მსჯელობის საგანიც კი ხდებოდეს ის, რაც საქართველოს რიგითი მოქალაქისთვის არის წარმოუდგენელი", — თქვა გიორგი გახარიამ.

გახარიას აზრით, ფეიქნიუსების და მოდელირებული რეალობის საშუალებით ადამიანებმა საერთაშორისო დონეზე პოლიტიკური დავის საგნად გახადეს კონკრეტული სამართლებრივი საქმე. მისი თქმით, მოქალაქეებისთვის საკითხის მსგავს ტონალობაში დაყენება ტრაგიკულია. გახარიამ თქვა, რომ საზოგადოებას ახსოვს რა ხდებოდა 90-იანებში.