დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის ინფექციური საავადმყოფოს სამედიცინო დირექტორის, მარინა ეზუგბაიას თქმით, კორონავირუსით ინფიცირების 4 ახალი დადასტურებული შემთხვევიდან, 1 არის საბურთალოს კლასტერიდან არის, 2 იმპორტირებული და 1 სამედიცინო პერსონალია. მისივე თქმით, ეს სამედიცინო პერსონალი მათი ცენტრიდან არაა.

როგორც ეზუგბაია ამბობს, ამ ეტაპზე კოვიდცენტრებში 119 პაციენტი მკურნალობს.

"ჩვენს ცენტრში 43 დადასტურებული შემთხვევა, გუშინ 3 ახალი დადასტურებული შემთხვევა მივიღეთ. პაციენტების მდგომარეობა უცვლელია. გვყავს ჯერჯერობით, კვლავ 1 მძიმე პაციენტი, რომლის მდგომაროება სტაბილურია და უკვე დინამიურად ვლინდება, რომ გაუმჯობესება გვაქვს და ალბათ, მომდევნო დღეებში ისიც დატოვებს მძიმე პაციენტების სიას, დანარჩენი შემთხვევები არის საშუალო და მსუბუქი", — განაცხადა ეზუგბაიამ.

საქართველოში კორონავირუსი კიდევ 4 ადამიანს დაუდასტურდა და 4 ადამიანი გამოჯანმრთელდა. მონაცემები Stopcov.ge-ზე განახლდა.

ბოლო მონაცემებით, ქვეყანაში სულ დადასტურებულია კორონავირუსის 822 შემთხვევა, მათ შორის გამოჯანმრთელებულია 690 ადამიანი, ხოლო გარდაცვლილია — 13. კარანტინის რეჟიმში 3 124 პირი რჩება, სტაციონარში მეთვალყურეობის ქვეშ — 279.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: