საქართველოს რკინიგზა მგზავრდა გადაყვანას 15 ივნისიდან განაახლებს. რკინიგზაში ამბობენ, რომ კომპანია მგაზვრებს ჯანმრთელობის დაცვის სამინისტროს მიერ დაწესებული რეგულაციების დაცვით გადაიყვანს.

"ჯანმრთელობის დაცვის სამინისტროსთან ერთად, შემუშავებული გვაქვს მგზავრობის სპეციალური ინსტრუქცია, კერძოდ, ვაგონის შესასვლელებში გამცილებლები მგზავრებს ჩაუტარებენ თერმოსკრინინგს, მატარებელში შესვლისთანავე კი მათ უნდა გაიარონ დეზობარიერი და ხელები დაიმუშაონ სადეზინფექციო ხსნარით. ხელის დისპენსერები ყველა ვაგონში უკვე დამონტაჟებულია", — აცხადებს საქართველოს რკინიგზის სამედიცინო სამსახურის ხელმძღვანელი ნიკა კაჭარავა.

მათივე თქმით, მგზავრობა პირბადის გარეშე დაუშვებელი იქნება და პირს გადაადგილების პროცესში პირბადის მოხსნის უფლება არ ექნება.