კოლუმბიის ქალაქ მედელინის მახლობლად თვითმფრინავი ჩამოვარდა, რომელსაც 81 ადამიანი გადაჰყავდა, მათ შორის ეკიპაჟის 9 წევრი. ბორტზე, ბრაზილიის საფეხბურთო გუნდის, შაპოკოენსის ფეხბურთელებიც იმყოფებოდნენ

BBC-ის ცნობით, ჯერჯერობით ტრაგედიის დეტალები ცნობილი არ არის, თუმცა, შესაძლოა იყვნენ გადარჩენილები. აეროპორტის ინფორმაციით, თვითმფრინავი ბოლივიიდან, ქალაქ სანტა კრუსიდან მოფრინავდა და ფეხბურთელები მოჰყავდა, რომლებიც სამხრეთ ამერიკულ ჩემპიონატში მონაწილეობდნენ. ისინი მედელინის საფეხბურთო კლუბ, ატლეტიკო ნაციონალს უნდა შეხვედროდნენ.

BBC-ის ინფორმაციით, თვითმფრინავი ადგილობრივი დროით შუაღამისას, ქალაქგარეთ, მთიან არეალში ჩამოვარდა.

Flightradar 24-ის ინფორმაციით, თვითმფრინავმა დაშვებამდე, ქალაქ მედელინთან, მთიან რეგიონში წრე რამდენიმეჯერ შემოხაზა, რის შემდეგაც რადარებიდან გაუჩინარდა.

მცირე ზომის თვითმფრინავი, Avro RJ85 ჩარტერულ რეისს ასრულებდა.