ევროპული საქართველოს დეპუტატი, ელენე ხოშტარია ამბობს, რომ გიორგი რურუას გათავისუფლებით პოლიტიკური პროცესები ნორმალიზდება და მნიშვნელოვანია ეს სწრაფად მოხდეს. ხოშტარია ამბობს, რომ გათავისუფლების ფორმის შერჩევას ხელისუფლებას მიანდობს.

"რაც უფრო სწრაფად დავხურავთ ამ ფურცელს და გადავალთ საარჩევნო რეფორმაზე, ეს ქვეყნისთვის ძალიან მნიშვნელოვანია. დროში და ფორმაში როგორ იზამენ, ეს მათთვის დამითმია, ამის საშუალება არის. უბრალოდ მნიშვნელოვანია ეს მოხდეს სწრაფად. ჩვენ ვდგავართ პოლიტიკური ნორმალიზების ზღვარზე და ეს პროცესი უნდა დაასრულოს ხელისუფლებამ", — ელენე ხოშტარია.

რურუა ერთ-ერთია იმათგან, ვის გათავისუფლებასაც ოპოზიცია 8 მარტის შეთანხმების ფარგლებში ითხოვს. დღეს, 18 მაისის სასამართლო პროცესზე დაცვის მხარემ აღკვეთი ღონისძიების გაუქმება მოითხოვა, თუმცა მოსამართლემ რურუა ისევ პატიმრობაში დატოვა.