ჯანდაცვის მსოფლიო ორგანიზაციის განცხადებით, ახალი კორონავირუსი შეიძლება არასდროს გაქრეს.

13 მაისის ბრიფინგზე საუბრის დროს, ჯანმოს საგანგებო სიტუაციების დირექტორმა, მაიკ რაიანმა აღნიშნა, რომ ვაქცინის აღმოჩენის მიუხედავად ვირუსთან ბრძოლას დიდი ძალისხმევა დასჭირდება.

"შესაძლოა ეს ვირუსი ჩვენს საზოგადოებაში კიდევ ერთი ენდემიური ვირუსი გახდეს და არასდროს გაქრეს. აივ ინფექცია არ გამქრალა, მაგრამ მოვახერხეთ მისი კონტროლი. მე არ ვადარებ ერთმანეთს ამ ორ დაავადებას, მაგრამ ვფიქრობ, რომ მნიშვნელოვანია, რეალისტები ვიყოთ. არ მგონია, რომ ვინმე შეუძლია იწინასწარმეტყველოს როდის შეიძლება დაავადება გაქრეს."

ბოლო მონაცემებით, COVID-19-ის 4,3 მილიონზე მეტი შემთხვევა გამოვლინდა და 300 ათასი ადამიანი უკვე გარდაიცვალა. ამავე დროს, გაერო აცხადებს, რომ პანდემიამ ფსიქიკური ჯანმრთელობის პრობლემების გავრცელებას შეუწყო ხელი.

"ჩემი აზრით, აქ არაა რაიმე დაპირება ან თარიღი. ეს დაავადება შეიძლება ხანგრძლივ პრობლემად გადაიქცეს, მაგრამ შეიძლება არა", — განაცხადა მაიკ რაიანმა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ: