დაავადებათა კონტროლის ცენტრის ხელმძღვანელის, ამირან გამყრელიძის თქმით, შემდეგ ეტაპაზე ფარმაცევტების ტესტირება იგეგმება.

მისივე ინფორმაციით, ასევე, სასურსათო მაღაზიების თანამშროლმლების აღრიცხვაც მიმდინარეობს, რათა მეტად დაზღვეულები იყვნენ.

"რაც შეეხება კითხვას ფარმაცევტებთან დაკავშირებით, ასევე სტომატოლოგებზე, ისინიც სამედიცინო პერსონალს მიეკუთვნებიან. მოგეხსენებათ, დღეს მუშაობს სასურსათო და ფარმაცევტული დაწესებულებები, მათ ყველაზე მეტი შეხება აქვთ, თუმცა იქ გარკვეული წინაღობა, ბარიერი არსებობს, როდესაც მიდის ადამიანი ფარმაცევტულ დაწესებულებაში. მიუხედავად ამისა, მაინც შემდგომ ეტაპზე ჩვენს გეგმაში არის ფარმაცევტული პერსონალის ტესტირება. თუ არ ვცდები, 8 ათასამდეა ასეთი საქართველოში. გუშინ დაავადებათა კონტროლის ცენტრის აჭარის რეგიონულ ხელმძღვანელობასთან გვქონდა საუბარი, რადგან აჭარაში კარგი ლაბორატორიული სიმძლავრეები გვაქვს, პირველი პილოტი შეიძლება, დავიწყოთ აჭარაში", — განაცხადა ამირან გამყრელიძემ.