პარლამენტის ვიცე-სპიკერის, გია ვოლსკის თქმით, მმართველი პარტია საგანგებო მდგომარეობის გახანგრძლივებას მხარს დაუჭერს. გარდა ამისა, მან იმედი გამოთქვა, რომ პრეზიდენტი მათ უახლოეს მომავალში მიმართავს.

დღეს, 14 აპრილს პრემიერ-მინისტრმა, გიორგი გახარიამ განაცხადა, რომ ხვალიდან, საღამოს 9 საათიდან თბილისში, ქუთაისში, ბათუმსა და რუსთავში ათი დღით შესვლა და გამოსვლა იკრძალება. გარდა ამისა, მან პრეზიდენტს მიმართა, რომ საგანგებო მდგომარეობა 10 მაისამდე გახანგრძლივდეს.

ბოლო მონაცემებით, საქართველოში კორონავირუსით ინფიცირებულია 296 ადამიანი, მათგან გამოჯანმრთელებულია 69, ხოლო გარდაცვლილი — 3.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: