დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

დაავადებათა კონტროლის ცენტრის დირექტორის მოადგილე, პაატა იმნაძე, განმარტავს, კორონავირუსის გამოსავლენი ტესტი დადებით შედეგს აჩვენებს მხოლოდ მაშინ, როდესაც ადამიანს სიმპტომები ეწყება. მისი თქმით, თუ პაციენტს სიმპტომები არ აქვს, ტესტი არ სჭირდება.

"ადამიანი უსიმპტომო თუ იქნება, პასუხი იქნება, რა თქმა უნდა, უარყოფითი. ტესტი დადებითი ხდება, მხოლოდ იმ დროს, როდესაც ვირუსი გამოავლენს ორგანიზმში თავს, ანუ დაიწყება კლინიკური ნიშნები", — განაცხადა იმნაძემ მაესტროს ეთერში.

ამ ეტაპზე საქართველოში კორონავირუსით ინფიცირების 23 შემთხვევაა დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: