დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

დაავადებათა კონტროლის ცენტრის ხელმძღვანელის მოადგილის, პაატა იმნაძის თქმით, კორონავირუსზე ტესტირების ჩატარება თბილისის გარდა, ქუთაისსა და ბათუმშიც იქნება შესაძლებელი. მისი თქმით, ქუთაისსა და ბათუმში ლუგარის ლაბორატორიის განყოფილებებია, სადაც კადრები უკვე გადამზადებულები არიან.

იმნაძის თქმით, თუ საჭირო იქნება, მზად არიან, რომ მეზობელ ქვეყნებსაც დაეხმარნონ.

"სინჯების საკმაოდ დიდი მარაგი გვაქვს. დღეისათვის 3 ათასზე მეტი ანალიზისთვის საკმარისია და მარაგის შევსება მუდმივად ხდება, უკვე შეკვეთილია შემდეგი პარტიები. ახლა ვიწყებთ დეცენტრალიზაციას ანალიზების. ინფექციურ საავადმყოფოს ჰყავს მომზადებული თანამშრომლები მოლეკულურ დიაგნოსტიკაში. ამიტომ თვითონ ინფექციურ საავადმყოფოს გადავცემთ სინჯებს და ისინიც დაიწყებენ", — განაცხადა პაატა იმნაძემ იმედის ეთერში.

ამ ეტაპზე საქართველოში კორონავირუსით ინფიცირების 15 შემთხვევაა დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კი კორონავირუსი 2 პაციენტს დაუდასტურდა

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: