განვითარებისა და დემოკრატიის ცენტრის წარმომადგენლის, არჩილ ყანჩაველის ცნობით, 10:30 საათისთვის კენჭისყრის პროცესი მშვიდ და ორგანიზებულ ვითარებაში მიმდინარეობს .

ყანჩაველის თქმით, უბნის გახსნისა და კენჭისყრის პროცესის დაწყების პერიოდში CDD-ს სადამკვირვებლო მისიის მიერ დაფიქსირდა მცირე პროცედურული დარღვევებიც:

  • წილისყრის პროცედურის არათანმიმდევრული განხორციელება;
  • საარჩევნო დოკუმენტაციის არასათანადოდ წარმოება;
  • დამკვირვებლების მიერ თავიანთი უფლების განხორციელების შეზღუდვა.

2016 წლის საპარლამენტო არჩევნების მეორე ტურში ხმას მისცემენ მაჟორიტარული წესით ხმის მიცემის უფლების მქონე პატიმრები და თანამშრომლები. არჩილ ყანჩაველის განცხადებით, განსაკუთრებული ყურადღება ეთმობა იმ საარჩევნო უბნებს, სადაც იგეგმება ე.წ.სპეც-უბნების შედეგების დათვლა. ასევე, საარჩევნო უბნებს, სადაც სპეციალური სიების მეშვეობით მიმაგრებულნი არიან საქართველოს საარჩევნო კოდექსის 32-ე მუხლით გათვალისწინებული პირები.

CDD 2016 წლის 30 ოქტომბრის არჩევნების მეორე ტურის მიმდინარეობას 100 კაციანი სადამკვირვებლო მისიით აკვირდება. არჩევნების დღეს სრულად ფარავს საქართველოს ტერიტორიაზე გამონაკლის შემთხვევებში შექმნილ 9 საარჩევნო უბანს.