სტატისტიკის ეროვნული სამსახურის მონაცემებით, 2019 წლის ინფლაციის დონემ 7 პროცენტი შეადგინა, ხოლო დეკემბერში წინა თვესთან შედარებით ინფლაციის მაჩვენებელი 0,4 პროცენტი იყო.

საქსტატის ცნობით, ამავე პერიოდში თამბაქოს გარეშე ინფლაციის მაჩვენებელმა წინა თვესთან შედარებით 0,4 პროცენტი შეადგინა. წინა წლის შესაბამის თვესთან შედარებით სამომხმარებლო ფასები 6,3 პროცენტით გაიზარდა.

სტატისტიკის თანახმად, ფასები განსაკუთრებულად, 12,3 პროცენტით გაიზარდა სურსათისა და უალკოჰოლო სასმელების ჯგუფზე, რაც წლიურ ინფლაციაზე 3,78 პროცენტული პუნქტით აისახა. გარდა ამისა, ალკოჰოლური სასმელებისა და თამბაქოს ჯგუფზე ფასები გაიზარდა 15,6 პროცენტით, ხოლო ტრანსპორტის ჯგუფში დაფიქსირდა ფასების 2,9-პროცენტიანი მატება.