საზოგადოებრივი მაუწყებლის აჭარის ტელევიზიისა და რადიოს გენერალური დირექტორი გახდა ნათია კაპანაძე. ის ამავე ტელევიზიის განვითარების მენეჯერია. განმეორებითი კენჭისყრისას, ნათია კაპანაძეს ოთხკაციანი მრჩეველთა საბჭოს სამმა წევრმა დაუჭირა მხარი.

კაპანაძე საკუთარი მოვალეობის შესრულებას მიმდინარე წლის 21 დეკემბრიდან დაიწყებს. სწორედ ამ დროს ეწურება ტელევიზიის მოქმედ დირექტორს, სოსო სტურუას უფლებამოსილების ვადა.

ნათია კაპანაძე წლების განმავლობაში მუშაობდა მედიის უფლებების დაცვის მიმართულებით. ის იყოს საქართველოს ახალგაზრდა იურისტთა ასოციაციის იურისტი და მედიის სამართლებრივი დაცვის ცენტრის ხელმძღვანელი.