პოლიტიკური გაერთიანების ლელო საქართველოსთვის ყრილობაზე მამუკა ხაზარაძემ თქვა, რომ ქვეყანა რეგიონის ფინანსურ ცენტრად უნდა იქცეს. ამის მისაღწევად კი მან საფონდო ბირჟისა და ლოჯისტიკური ცენტრების გახსნის ინიციატივები გააჟღერა:

"საქართველოში უნდა ავამოქმედოთ საერთაშორისო საფონდო ბირჟა. ეს შეიძლება მოხდეს ნიუ იორკის, ჰონგ-კონგის ან ლონდონის ბირჟების მონაწილეობით, სადაც აქტიურად განხორციელდება ადგილობრივი და საერთაშორისო კომპანიების აქციებით ვაჭრობა. ვფიქრობთ ასეთი ბირჟის გახსნა შესაძლებელია უფუნქციოდ დატოვებული ქუთაისის პარლამენტის შენობაში. ქუთაისის საერთაშორისო აეროპორტის გარშემო კი უნდა შეიქმნას მძლავრი ლოჯისტიკური ცენტრი, სადაც იმუშავებს ისეთი ტიპის უზარმაზარი კომპანიები, როგორიცაა ამაზონი, ალიბაბა, ფედექსი და სხვა. ისინი ამ წერტილიდან - ფრენის 3 საათის რადიუსში შეძლებენ დაფარონ ნახევარ მილიარდზე მეტი მოსახლეობის მქონე ბაზარი".

დღეს, 22 დეკემბერს პოლიტიკური გაერთიანება ლელო საქართველოსთვის ოფიციალირად დააფუძნეს. მათ გაერთიანებაში შევიდნენ პარტია შენების მოძრაობა და ახალი მემარჯვენეები. ამავე პარტიის ლიდერები, დავით უსუფაშვილი და მამუკა კაციტაძე ლელოს პოლიტსაბჭოს წევრები გახსნენ.

ახლადშექმნილი პარტიის თავმჯდომარემ, მამუკა ხაზარაძემ განაცხადა, რომ ეკონომიკა უნდა იყოს მაქსიმალურად თავისუფალი სახელმწიფოს ჩარევისგან და ის უნდა ეფუძნებოდეს თავისუფალი ბაზრის პრინციპებს.