პროგრამა ბალანსში პირველი ციფრული კაბინეტი შეიქმნა — ეს ნიშნავს, რომ პროგრამა მუშაობს ქლაუდზე, კომპანიის სამუშაო ბაზა ხელმისაწვდომია ნებისმიერი ადგილიდან, სადაც ინტერნეტია და პროგრამით სარგებლობის ყველა პარამეტრის კონტროლი მომხმარებელს ამ სივრციდანვე შეუძლია.

ეს ახალი ამბავი თქვენთვისაა, თუ ფლობთ სამშენებლო კომპანიას და ხშირად გიწევთ გადაადგილება ერთი ობიექტიდან მეორეზე, გაქვთ წარმოება რეგიონებში, ან ბევრი სხვადასხვა სავაჭრო ობიექტი და გინდათ გქონდეთ შესაძლებლობა ნებისმიერ წუთს ჩაიხედოთ რეპორტებში.

ან ხართ ბუღალტერი, რომელიც ბევრ სხვადასხვა კომპანიას ემსახურება, ან თუნდაც ერთს მაგრამ თქვენთვის მნიშვნელოვანია ბაზა წაიღოთ ყველგან, სადაც გადაადგილდებით.

რა არის "ბალანსი"?

ბალანსი არის კომპანია BDO-საავტორო პროგრამა, რომელიც 2016 წლიდან არის ბაზარზე. დღეს ბალანსი პოზიციონირდება, არა როგორც უბარლოდ საბუღალტრო პროგრამა, არამედ, როგორც მინი ERP სისტემა საშუალო და მცირე ბიზნესისთვის — ანუ ერთ პროგრამაშია ავტომატიზებული ბუღალტერია და კომპანიების ყოველდღიური საოპერაციო აღრიცხვის ფუნქციონალი — არის წარმოების, მშენებლობის, საწყობის მართვის და მაღაზიის მოდულები. ყველა მოდულს აქვს თავისი სრულყოფილი რეპორტინგ სისტემა, რაც მენეჯმენტისთვის ბიზნესის კონტროლის საშუალებაა.

რატომ ქლაუდი?

იქიდან გამომდინარე, რომ დღეს მუშაობის და ბიზნეს კეთების ტემპი ძალიან აჩქარდა, მენეჯერებისთვის სრულყოფილი რეპორტინგის შექმნა კომფორტის მხოლოდ ერთი ნაწილია. აუცილებლია, რომ ყოველწამიერად განახლებად ინფორმაციაზე მენეჯერებს წვდომა ნებისმიერ დროს და ნებისმიერი ადგილიდან ჰქონდეთ. ამისთვის გადაწყვეტა ქლაუდ ტექნოლოგიაა, რომელიც პროგრამა "ბალანსის" მომხმარებლებს სამუშაო ბაზაზე და ანგარიშგებებზე წვდომას ინტერნეტით, სასურველ დროსა და მსოფლიოს ნებისმიერ წერტილში აძლევს, ყოველთვიური მცირე გადახდების სანაცვლოდ.

რა არის ბალანსის კაბინეტი?

მომხმარებელი ბალანსის საიტიდანვე შედის თავის კაბინეტში, სადაც ხვდება პროგრამის დემო ვერსია, იმისთვის, რომ ნახოს პროგრამა, გატესტოს მისი შესაძლებლობები და ყიდვაზე გადაწყვეტილება ინფორმირებულმა მიიღოს. კაბინეტიდანვე ყიდულობს ბალანსის რომელიმე პროდუქტს — ბალანს ენტერპრაისს ან ბალანს შოპს (პროგრამა მაღაზიისთვის), ამატებს თავისი კომპანიის ბაზას, იწვევს თანამშრომლებს ბაზაში სამუშაოდ, მართავს მართ როლებს და წვდომა აქვს პროგრამის ფუნქციონალზე, ხედავს მიღებულ ინვოისებს და მათ სტატუსებს და აბამს ბარათს კაბინეტს ავტომატური გადახდებისთვის. საჭიროების შემთხვევაში ტრენინგების და დანერგვის მომსახურების მოთხოვნაც კაბინეტიდან არის შესაძლებელი.

კაბინეტში მომხმარებელი ხვდება მარტივი რეგისტრაციის გავლით. მათთვის, ვინც ბალანსის მომხმარებელი ჯერ არ არის, ან თუნდაც არის მაგრამ ახალი ფუნქციონალის გატესტვა თავის რეალურ ბაზაზე არ სურს, კაბინეტში შექმნილია პროგრამის დემო ბაზები სხვადასხვა სფეროსთვის (ვაჭრობა, მშენებლობა, წარმოება) — სრულიად უფასოდ.

რეგისტრაციისთვის და პროგრამაზე სრული ინფორმაციისთვის ნახეთ "ბალანსის" საიტი.