იუსტიციის უმაღლესი საბჭოს არამოსასმართლე წევრი, ანა დოლიძე ამბობს, რომ ხელისუფლება ეცდება რუსთაველზე მიმდინარე აქცია არაკანონიერ ჩარჩოში გადაიყვანოს. ამის შესახებ დოლიძემ TV პირველის ეთერში ისაუბრა, სადაც აქციიდან ჩაერთო.

"ხელისუფლება ეცდება ორ რაღაცას, პირველი — ხალხის დაქსაქსვას და მეორე — არაკანონიერ ჩარჩოში გადატანას. მე სულ ვამბობ, ჩვენი ძალა არის კანონი და მშვიდობა", — თქვა დოლიძემ.

ანა დოლიძემ აღნიშნა, რომ მთავრობას არ აქვს იმედი სამართლიანი არჩევნების მოგების, სწორედ ამიტომ ერთადერთი გზა, სწორედ ხალხის დაქსაქსვაა.

შინაგან საქმეთა სამინისტრომ რამდენიმე საათის წინ გაავრცელა განცხადება, სადაც აღნიშნა, რომ სამართალდარღვევის ნებისმიერ ფაქტს, ადმინისტრაციული ორგანოების შტურმისა თუ ბლოკირების მცდელობას, დაუყოვნებლივ აღკვეთს. ზუსტად მსგავსი არგუმენტით დაშალა შსს-მ 20 ივნისის აქცია. მაშინ დაშავდა რამდენიმე ათეული ადამიანი, მათ შორის ორმა თვალი დაკარგა.