ავსტრალიის გაგონებაზე ყველას მრავალფეროვანი ცხოველთა სამყარო გვახსენდება და ნუ გაგიკვირდებათ, თუ გეტყვით, რომ ამავე ქვეყნის დედაქალაქში მცხოვრები ადამიანი, რომელიც ძაღლს დღეში ერთხელ მაინც არ გაასეირნებს ამიერიდან $2 700-ით დაჯარიმდება.

ასეთი მიდგომა კი ცხოველთა კეთილდღეობის შესახებ კანონში გასულ ხუთშაბათს, 19 სექტემბერს განსაზღვრეს და შესაბამისი სანქციაც დააწესეს.

ფოტო: insidedogsworld

ცხოველთა მეპატრონეები დაჯარიმდებიან იმ შემთხვევაშიც თუ საკუთარი ოთხფეხა მეგობრებისთვის თავშესაფარს, საკვებს ან წყალს არ უზრუნველყოფენ. ასევე აუცილებელია, რომ 24 საათის განმავლობაში ძაღლებმა მინიმუმ ორი საათი დაუთმონ სეირნობას და თამაშს.

ავსტრალიაში ეს პირველი შემთხვევაა, როდესაც შინაური ცხოველების კეთილდღეობისთვის კანონი ასეთი მკაცრი და მომთხოვნია.

"თანამედროვე ცხოველების კეთილდღეობა დამოკიდებულია იმაზე თუ რამდენად კარგად გრძნობენ პატრონთან ისინი თავს, როგორც ფსიქოლოგიურად, ასევე ფიზიკურად", — ამბობს კანონპროექტის ავტორი.

თქვენ ისურვებდით საქართველოში ასეთი კანონის შემოღებას?